ខមភើសអចលនទ្រព្យ·សេចក្តីរាយការណ៍ព័ត៌មាន~ ចំណូលពន្ធឆ្នាំនេះ បានកើនឡើងប្រហែល ១៣ ភាគរយនៅក្នុងខែសីហាដូចគ្នា ធៀបនឹងឆ្នាំមុន ដែលលើសពីគោលដៅដែលបានគ្រោងទុក ក៏ជាសញ្ញាដែលបង្ហាញថា សេដ្ឋកិច្ចកម្ពុជា កំពុងស្ថិតនៅលើផ្លូវឆ្ពោះទៅរកការស្ដារឡើងវិញ។
យោងតាមសេចក្តីប្រកាសព័ត៌មាន ដែលចេញដោយអគ្គនាយកពន្ធដារ ចំណូលពន្ធសរុបមានចំនួន ១៩២.៣ លានដុល្លារនៅក្នុងខែសីហា ឬស្មើនឹង ៨.៥៧ ភាគរយនៃគោលដៅប្រមូលពន្ធប្រចាំឆ្នាំ ដោយបានកើនឡើង ២១.៦៨ លានដុល្លារ ឬស្មើនឹង ១២.៧១ ភាគរយ បើប្រៀបធៀបកាលពីខែសីហាឆ្នាំមុន។
វាបាននិយាយថាការអនុវត្តពន្ធនៅខែសីហាក៏លើសពីតួលេខនៃផែនការដើម ចំនួន ៨.៣៣ ភាគរយនៃផែនការប្រចាំឆ្នាំផងដែរ ដោយជាទូទៅខែសីហា គឺជាខែដែលប្រមូលពន្ធ អាករបានក្នុងកម្រិតទាប។
លើសពីនេះចំណូលពន្ធ អាករសម្រាប់ ៨ ខែដំបូងនៃឆ្នាំនេះ មានចំនួន ១៩០៩.២៧ លានដុល្លារឬ ៨៥.១២ ភាគរយ នៃផែនការប្រមូលពន្ធពេញមួយឆ្នាំ ដោយមានការធ្លាក់ចុះ ចំនួន ១៥១.៣ លានដុល្លារ ឬស្មើនឹង ៧,៣៤ ភាគរយ បើធៀបនឹងឆ្នាំមុន។
សេចក្តីប្រកាសព័ត៌មានបានបញ្ជាក់ថា ការអនុវត្តពន្ធគឺស្របតាមផែនការដើម ដែលភាគច្រើនបណ្តាលមកពី ការផ្តល់ព័ត៌មានអំពីការប្រមូលពន្ធ និងការគ្រប់គ្រងរដ្ឋបាល រួមទាំងការណែនាំអំពីប្រព័ន្ធគ្រប់គ្រងការប្រកាសពន្ធអាជីវកម្មតាមអនឡាញ (E-Filing) ប្រព័ន្ធទូទាត់តាមអនឡាញ (E-Payment) និងកម្មវិធីអ្នកបង់ពន្ធ GDT ។
អគ្គនាយកដ្ឋានពន្ធដារ ក៏បានបង្ហាញផងដែរថា ក្រុមហ៊ុនចំនួន ៧៩១ បានបញ្ចប់ការចុះបញ្ជីបង់ពន្ធនៅខែសីហា ដែលជាចំនួនកើនឡើង ២០៩ ឬស្មើនឹង ៣៦ ភាគរយពីឆ្នាំមុន។
នេះបង្ហាញពីទំនុកចិត្តរបស់សហគមន៍អាជីវកម្ម ក្នុងការគ្រប់គ្រងនិងការការពារជំងឺកូវីដ១៩ របស់រដ្ឋាភិបាល ជាពិសេសការចាប់ផ្តើមយុទ្ធនាការចាក់វ៉ាក់សាំងជាសកល ក្នុងការរួមចំណែកដល់ការស្តារសេដ្ឋកិច្ចរបស់ប្រទេសកម្ពុជា” ។
អគ្គនាយកដ្ឋានពន្ធដារ ក៏បន្ថែមទៀតថា គោលដៅប្រមូលពន្ធអាករសម្រាប់ឆ្នាំនេះ គឺ ២.៨៨៥ លានដុល្លារ។
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Nea, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាបរួម | ថៃ | ហ្វីលីពីន | មីយ៉ាន់ម៉ា | ឡាវ
ផ្ទះបុរីស្អាតៗ គុណភាពល្អដែលនឹងធ្វើការណែនាំថ្ងៃនេះ៖
0